News Portal

युद्ध नजिक अमेरिका–चीन सम्बन्ध चिनियाँ महावाणिज्यदूतावास बन्द गर्न अमेरिकी आदेश

एनपर्दा संवाददाता
३८५ पटक

बेइजिङ । संयुक्तराज्य अमेरिकाले ह्युस्टनमा रहेको चिनियाँ महावाणिज्यदूतावास कार्यालय बन्द गर्न आदेश दिएको छ । चीनले अमेरिकाको उक्त कदमले दुवै मुलुकबीचको कुटनीतिक सम्बन्धलाई थप हानि पु–याउने भन्दै विरोध गरेको छ ।

विश्वका दुई ठूला अर्थतन्त्र भएका चीन र अमेरिकाबीच पछिल्ला केही वर्षदेखि विभिन्न विषयमा गम्भीर मतान्तर रहँदैआएको छ । पछिल्लो समय अर्ध–स्वायत्त हङकङका सन्दर्भमा पारित भएको विवादास्पद राष्ट्रिय सुरक्षा कानुनलाई लिएर अमेरिकाले तीव्र असन्तोष व्यक्त गरेको छ ।

चीनको विदेश मन्त्रालयका प्रवक्ता वाङ वेनबिनले महावाणिज्यदूतावास बन्द गर्न दिइएको गलत आदेश तत्काल फिर्ता गर्न चीनले अमेरिका समक्ष आग्रह गरेको बताउनुभयो । उहाँले अमेरिकाले उक्त कदम नसच्याए चीनले पनि जवाफमा उपयुक्त र आवश्यक कदम चाल्ने चेतावनी दिनुभएको छ ।

प्रवक्ता वाङले भन्नुभयो, “यो अमेरिकाले एकपक्षीय रुपमा सञ्चालन गरेको राजनीतिक भडकाउपूर्ण कार्य हो, र यसले अन्तर्राष्ट्रिय कानुनको समेत गम्भीर उल्लङ्घन गर्दछ ।

साथै यो चीन र अमेरिकाबीच भएको द्विपक्षीय कन्सुलर सम्झौताको पनि उल्लङ्घन हो ।” उहाँले अमेरिकाबाट भएको यो लज्जाजनक एवम् अन्यायपूर्ण कदमको हामी कडा शब्दमा निन्दा गर्दछौँ भन्दै यस कदमले चीन–अमेरिका सम्बन्धलाई ध्वस्त बनाउन सक्नेछ भन्नुभयो ।

ह्युस्टनस्थित स्थानीय सञ्चारमाध्यमका अनुसार महावाणिज्यदूतावास परिसरमा भवनका कागजात जलाइएपछि स्थानीय अग्निनियन्त्रक र प्रहरीहरु साँझपख कन्सुलेट भवनमा आइपुगेका थिए । ह्युस्टन प्रहरी प्रमुखले भवनको परिसरबाट धुवाँ निस्केको जानकारी दिँदै भवन परिसरभित्र प्रवेश गर्न नदिइएको बताउनुभयो । एएफपी

प्रतिकृया दिनुहोस्

अब एक्शन शुरु, यी २२० जनाको सम्पत्ति छानबिन, नेतादेखि व्यवसायीसम्म

काठमाडौं। सम्पत्ति शुद्धीकरण अनुसन्धान विभागले नेता, पूर्वप्रशासक, व्यवसायीसहित २ सय २० जनाको सम्पत्ति छानबिन गरिरहेको...

सरकारको विरोधमा लेख्ने पत्रकारहरु नर्क जान्छन् : प्रधानमन्त्री ओली

काठमाडौं । प्रधानमन्त्री केपी शर्मा ओलीले पत्रकारहरुले समाचार लेख्दा ‘तिमी’ लेखेको भन्दै आक्रोश व्यक्त गरेका...

इच्छाधारी नागिनको दर्शन गरी ॐ लेखेर सेयर गर्नुस तपाइले सोचेको काम बन्नेछ,अवश्य पूरा पढ्नुहोला

सामान्यतया सर्प देखेपछि मानिसहरु डराउँछन् । तर, हालै भारतमा एक अनौठो खालको सर्प देखिएपछि हेर्ने...

प्रचण्डले यसरी गरे विना मगरको प्रशंशा (भिडियोसहित)

काठमाडौं, । नेपाल कम्युनिस्ट पार्टीका अध्यक्ष पुष्पकमल दाहाल प्रचण्डले बुहारी विना मगरको प्रशंशा गरेका छन्...

बामदेव गौतम उपप्रधानमन्त्री सहित गृहमन्त्री, यी आधा दर्जनमन्त्रीको पद चैट…

काठमाडौं – दुई बर्षे मापदण्ड अनुसार मन्त्रिपरिषद् पुर्नगठनको तयारी गरेका प्रधानमन्त्री केपी शर्मा ओलीले पुर्व...