News Portal

ओलीलाई सरकारबाट फिर्ता बोलाउने निर्णय पार्टी कमिटीबाटै गराउने प्रचण्डको रणनीति

एनपर्दा संवाददाता
१४७० पटक

काठमाडौं, । नेपाल कम्युनिस्ट पार्टीभित्र अध्यक्षद्वय केपी शर्मा ओली र पुष्पकमल दाहालबीचको लिखित आरोप प्रत्यारोप अब मौखिकमा प्रवेश गर्दैछ । भोलि सचिवालय बैठकमा दुवै अध्यक्षले प्रस्तुत गरेको दस्तावेजमाथि छलफल शुरु हुँदैछ । यसले झन् ठुलो टकराव बढाउँदै जाने देखिदैछ ।

ओलीमाथि लगाइएको आरोप उनलाई सत्ताबाट हटाउने उद्देश्यले प्रेरित रहेको स्वयं उनकै दस्तावेजमा उल्लेख छ । पटक पटक सरकारबाट हटाउने प्रयास भएको समेत उनले उल्लेख गरेका छन् । यतिसम्मकी विदेशीलाई पनि सरकारको काम अल्झाएर आफू प्रधानमन्त्री भएपछि कतिपय विषय सल्टाउने भनेको विषय प्रस्तुत गरेका छन् । यसरी ओलीविरुद्ध नेकपाभित्रको मोर्चाबन्दी उनलाई सत्ताबाट हटाउनकै लागि हो भन्ने प्रष्ट भइसकेको छ । तर, ओलीलाई सत्ताबाट हटाउन कि त अविश्वासको प्रस्ताव ल्याएर सम्भव छ कि त उनी स्वयंले राजीनामा दिएर मात्र सम्भव छ ।

ओली कुनै हालतमा राजीनामा नदिने पक्षमा छन् । उनले यो कुरा स्पष्ट पारिसकेका छन् । उनीविरुद्ध अविश्वासको प्रस्ताव आइहाल्ने सम्भावना पनि बनिसकेको छैन । तर, यसको भित्री तयारी भइरहेको छ । ओली स्वयंले सचिवालयमा प्रस्तुत दस्तावेजमा आफूविरुद्ध प्रचण्डले सांसदहरुलाई खाली कागजमा हस्ताक्षर गराएर अविश्वासको प्रस्तावको तयारी गरेको आरोप लगाएका छन् ।

प्रचण्डले ओलीलाई गलाउँदै लान पार्टी कमिटीबाटै गतिविधि गरिरहेका छन् । सचिवालय, स्थायी कमिटी र केन्द्री कमिटीमा प्रचण्डसहितको मोर्चाको बहुमत छ । सचिवालय बैठकमा दस्तावेजमाथि छलफलपछि स्थायी कमिटी बैठकमा लाने प्रचण्डको तयारी छ । त्यहाँ पनि छलफल गरेर केन्द्रीय कमिटीमा लगेर टुंगो लगाउने र ओलीलाई सरकारबाट फिर्ता बोलाउने निर्णय गराउने या वाध्य बनाउने सम्मको तयारीमा प्रचण्ड देखिएका छन् ।

पार्टी कमिटीबाट निर्णय गराएर विधिसम्मत तरिकाले जाने प्रचण्डको तयारी भएपनि ओलीले त्यसलाई नमान्ने संकेत गरिसकेका छन् । उनले पार्टी कमिटीलाई अन्तरिम कालको कमिटी भनिसकेका छन् । यसरी ओलीले संसदीय दलबाटै सामना गर्ने या कठोर निर्णय लिने संकेत समेत गरेका छन् ।

प्रतिकृया दिनुहोस्

प्रचण्ड चितवनबाट भाग्दैछन्, यदि चुनाव लड्न आए भने ५ हजार मतले चुनाव हार्छन : देवी ज्ञवाली

काठमाडौँ । प्रमुख प्रतिपक्षी दल नेकपा एमालेका पोलिटव्यूरो सदस्य एवं चितवन जिल्ला इन्चार्ज देवी ज्ञवालीले...

खुसिको खबर: सन्दिपको बिषयलाई लिएर बालेन शाह भोलि अदालत जाँदै (सक्दो सेयर गर्नुहोस)

काठमाडौं । आज बिहान सन्दिप लामिछाने नेपाल आएका छन । उनलाई नेपाल एर्पोट बाट नै...

शेखर समुहले एमाले संग मिलेर चुनाव लड्ने गर्यो घोषणा, उम्मेदवार बन्न चाहनेको नाम संकलन गरिने…

काठमाडौं। पाँच दलीय सत्ता गठबन्धनमा सिट बाँडफाँट ठूूलो चुुनौती बनिरहेको खबर आइरहँदा नेपाली कांग्रेसको संस्थापन...

पृथ्वीनारायण शाहा पछिको अर्को शाहा बालेन्द्र शाह रैछ यस्तो नेता देशमा २,४ जना भए देशको मुहार फेरिने थियो ! (सहमत हुनेले सियर गरौं)

काठमाण्डौ । काठमाण्डौ महानगरपालिकाका मेयर बालेन्द्र शाह बालेनले अब कानुन मिच्न नदिने बताउनुभएको छ ।...

झापाका डन ओली: ५ होइन १० दल मिलेर आए पनि ओलीकै मत धेरै हुने (तथ्यांकसहित)

दमक (झापा) । स्थानीय निर्वाचन–२०७९ मा वडा अध्यक्षहरुको मत परिणामअनुसार झापाको प्रतिनिधिसभा निर्वाचन क्षेत्र नम्बर...