News Portal

केपी ओलीलाई लाग्यो ठूलो झड्का, आजमात्रै एमालेका ४८ जना सांसदले रोजे नेकपा समाजवादी

एनपर्दा संवाददाता
३१०१ पटक

काठमाडौँ ।

नेपाल कम्युनिष्ट पार्टी (नेकपा) एमाले छाडेर नेकपा एकीकृत समाजवादी पार्टी गठन गरेका नेता माधवकुमार नेपाललाई ठूलो सफलता मिलेको छ।

मंगलबार नेकपा एमालेका ४८ जना सांसदहरुले पार्टी अध्यक्ष केपी शर्मा ओली नेतृत्वको एमाले पार्टी परित्याग गरेर अध्यक्ष माधव नेपालको एकीकृत समाजवादी रोजेपछि उनलाई ठूलो सफलता मिलेको हो ।

४८ सांसदहरुमध्ये, प्रदेश १बाट १०, बागमतीबाट १२, सुदूरपश्चिम प्रदेशसभाबाट १३ र प्रदेश नं २ बाट पनि १३ जना सांसद नवगठित नेकपा (एकीकृत समाजवादी) पार्टीतिर लागेका छन् । जसमध्ये बागमतीका सांसदहरुले केही बेर अघि प्रदेश निर्वाचन आयोगको कार्यालयमा गएर नेपाल नेतृत्वको नेकपा (एस) रोजेको बताइएको छ।

यस्तै, प्रदेश १ का १० जना सांसदहरु भोलि बुधबार आयोगको कार्यालयमा पुगेर नेकपा एस नै रोज्ने तयारीमा रहेको बताएका छन्। उनीहरु आजै जाने कार्यक्रम रहेपनि आज उक्त प्रदेशमा सार्वजनिक बिदा परेकाले भोलिलाई सारिएको बताएका छन्।

यसैगरी, सुदुरपश्चिममा भने भौतिक पूर्वाधार विकासमन्त्री दीर्घ सोडारीको नेतृत्वमा एमालेका १३ जना सांसद माधव नेपाल नेतृत्वको नेकपा (एस) मा लागेको छ।

यता, २ नं प्रदेशका १३ जना सांसद्हरू बैठकपछि सनाखतका लागि निर्वाचन आयोग जाने भएका छन् । एमाले छाडेर एकीकृत समाजवादी रोजेका प्रदेश २ का सांसद् शत्रुधन महतोले भोलि वा पर्सितिर बैठक बसेर निर्णय गर्ने अनि मात्रै प्रदेश निर्वाचन कार्यालय जाने बताए ।

पार्टीभित्र विवाद बढेका बेला गत चैतमा माधव नेपाल पक्षले महतोलाई नै संसदीय दलको नेता चयन गरेको थियो। तत्कालीन एमालेको २१ मध्ये १३ सांसद्को मतबाट महतो संसदीय दलको नेतामा निर्वाचित भएका थिए। महतोका अनुसार उनको पक्षमा पहिल्यैदेखि १३ जना यथावत् रहेका छन्।

निर्वाचन आयोगले भदौ २२ गतेसम्म दल रोज्न प्रदेश सभा सदस्य र स्थानीय तहका जनप्रतिनिधिहरुलाई सूचना जारी गरेको छ।

गत भदौ २ गते गठन भएको नेकपा एकीकृत समाजवादी पार्टीले ९ गते आयोगबाट मान्यता पाएको थियो। त्यसै दिन आयोगले सनाखत समेत गरेको थियो ।

प्रतिकृया दिनुहोस्

रामकुमारी झाँक्रीको कमाल : प्रदीप ज्ञवाली र गोकर्ण विष्टलाई धक्का लाग्ने गरी नयाँ नेतृत्व

काठमाडौं – नेकपा एमाले विभाजन भएर बनेको नेकपा एकीकृत समाजवादी पार्टीले यतिबेला देशव्यापी संगठन निर्माण...

प्रचण्डसँग चुनाव लड्न तयार छु : बादल

चितवन । नेकपा एमालेका नेता रामबहादुर थापा (बादल)ले आगामी निर्वाचनमा माओवादी केन्द्रका अध्यक्ष प्रचण्डसँग लड्न...

त्यो टोपबहादुर भन्नेलाई कति चोटी मन्त्री बनाएँ, बादललाई सम्झिँदा पनि एलर्जी हुन्छ : प्रचण्ड

काठमाडौं – नेकपा माओवादी केन्द्रका अध्यक्ष पुष्पकमल दाहाल प्रचण्डले पूर्व माओवादी नेताहरुमाथि कटाक्षा गरेका छन्।...

केपी ओलीकी ’छोरी’ले पाइनन् कापी–कलम, नियमित स्कुल जानै छाडिन्

खड्क सुनार मुगु – पूर्वप्रधानमन्त्री केपी शर्मा ओलीले अभिभाकत्व ग्रहण गरेकी मुगुम कार्मारोङ गाउँपालिका– ८...

माधव नेपालको ‘एस’ पार्टीले पहिलो बलमै हान्यो छक्का, रच्यो ईतिहास !

काठमाडौं – नेकपा (एकीकृत समाजवादी) ले इतिहास रचेको छ । एकीकृत समाजवादीले सबैभन्दा समावेशी पदाधिकारी...