News Portal

त्यो टोपबहादुर भन्नेलाई कति चोटी मन्त्री बनाएँ, बादललाई सम्झिँदा पनि एलर्जी हुन्छ : प्रचण्ड

एनपर्दा संवाददाता
४७६ पटक

काठमाडौं –

नेकपा माओवादी केन्द्रका अध्यक्ष पुष्पकमल दाहाल प्रचण्डले पूर्व माओवादी नेताहरुमाथि कटाक्षा गरेका छन्। वाइसीएल काभ्रेको पाँचखाल नगर सम्मेलनलाई बिहीबार सम्बोधन गर्दै प्रचण्डले एमालेमा लागेका नेताहरुमाथि आक्रोश पोखेका हुन्।

प्रचण्डले टोपबहादुर रायमाझीलाई आफूले मन्त्री बनाएको बताएका छन्। त्यस्तै आफ्ना पुराना साथी रामबहादुर थापा बादललाई सम्झिँदा पनि एलर्जी हुने जानकारी दिएका छन्।

उनीहरुको नाम लिँदै प्रचण्डले भने, ‘त्यो टोपबहादुर भन्नेलाई मैले कति चोटी मन्त्री बनाएँ अहिले त कहाँ हेर्नुस् त। त्यो बादल मेरो हिजोको साथी, बढि त भन्दिन अहिले तर एलर्जी हुन्छ, सम्झिँदा पनि….कहाँबाट ल्याएर गृहमन्त्रीसहित सरकारको तपाई नेतृत्व गर्नुस् भनेर बनाएको त..?’

त्यस्तै प्रचण्डले आफ्नो पार्टी अबको निर्वाचनमा देशकै ठूलो पार्टी हुने जानकारी दिए। ‘हेर्नुहोला हामी एक नम्बर भएर देखाउँछौ, देखाउनैपर्छ। सबै जाग्ने हो भने त्यो टाढा छैन’, उनले भने।

अन्तत बामदेव गौतम र माधब नेपालको सम्धि एमालेमै !
नेकपा एमालेबाट राजिनामा दिएर हिँडेका बामदेव गौतम र नेकपा एस मा जान पाउँ भनेर सर्वोच्चमा मुद्धा हाल्ने माधव नेपालका सम्धी सोमप्रसाद पाण्डे अन्तत एमालेमै रहेका छन्।

उनीहरुको मन जता भए पनि कानुनी रुपमा उनीहरु एमालेमै रहेको देखीएको छ । पार्टी विभाजन पछि नेकपा एमालले निर्वाचन आयोगमा केन्द्रिय कमिटि अद्यावधिक गरेको छ जसमा बामदेव गौतम र सोमप्रसाद पाण्डेका नाम पनि राखिएको छ ।

नेकपा एसतिर सनाखत गरेका केन्द्रीय सदस्यहरुको नाम हटाएर बाँकीको विवरण हिजो निर्वाचन आयोगमा पठाइएको हो एमालेले अद्यावधिक गरेको विवरणमा वामदेव गौतम र सोमप्रसाद पाण्डे भने यतावत छन् ।

गौतमले पार्टीबाट राजीनामाको घोषणा गरेका थिए । यद्यपि उनको राजीनमा अझैं स्वीकृत भएको छैन् ।त्यस्तै पाण्डेले पनि नेकपा एस रोज्न पाउँ भन्दै निर्वाचन आयोगमा सनाखतका लागि निवदेन दिएका थिए । तर, निर्वाचन आयोगले उनको सनाखत लिएको थिएन ।

आयोगविरुद्ध पाण्डे र शारदादेवी भट्ट सर्वोच्चमा गएपछि सर्वोच्चले नेकपा एस रोज्न निवेदन दिएकै आधारमा उनीहरुमाथि कुनै कारवाही नगर्न अन्तरिम आदेश दिएको थियो ।

पाण्डे अहिले नै नेकपा एसका भएको नभइ निवेदन दिएको आधारमा कारवाही नगर्नू भन्ने सर्वोच्चको आदेश भएकाले उनी पार्टीमै रहेको बुझाइ एमालेको छ । त्यही आधारमा पाण्डेलाई पनि केन्द्रीय कमिटीमा यथावत राखिएको एमालेले जनाएको छ।

नेकपा एसतिर गएका भनिएका केन्द्रीय सदस्य विक्रम शाही पनि एमालेकै केन्द्रीय सदस्यका रुपमा यथावत छन् । सर्वोच अदालको आदेश पछि भने सोमप्रसाद पाण्डे भिरको फर्सी अड्किएको जसरी अड्कीएका छन् । नेकपा एस मा जान पाएको छैन एमालेमा बस्न मन छैनको अवस्थामा उनी पुगेका छन् ।

प्रतिकृया दिनुहोस्

फेरि अर्थमन्त्री जनार्दन शर्माको अर्को एक्सन– बन्द रहेका उद्योगहरू सञ्चालन गरिने !

काठमाडौं । अर्थमन्त्री जनार्दन शर्माले बन्द रहेका सरकारी स्वामित्वका उद्योगहरू सञ्चालन गर्नेगरी तयारी भइरहेको बताएका...

एकीकृत समाजवादीको लक्ष्य : ७ लाख संगठित, २८ लाख पार्टी सदस्य

काठमाण्डौ | नेकपा (एकीकृत समाजवादी) पार्टीले देशभर सात लाख संगठित सदस्य बनाउने अभियान थालेको छ।...

एकीकृत समाजवादीको पक्षमा कम्तीमा २८ लाख भोट ल्याउँछाैँ : मन्त्री झाँक्री

काठमाण्डौ | सहरी विकासमन्त्री रामकुमारी झाँक्रीले बनिबनाउ घरको नाममा केही साथीले दास बन्ने कोसिस गरेको...

माओवादीसँग गठबन्धन गरेर मात्र एमालेको बहुमत आएको होः बिरोध खतिवडा

काठमाडौं । स्वास्थ्य तथा तथा जनसङ्ख्यमन्त्री विरोध खतिवडाले नेकपा एमालेका अध्यक्ष केपी शर्मा ओली राजनीतिक...

प्रकाश ज्वालाका स्वकीय सचिवसहित सिंगो गाउँ नै एमालेमा प्रबेश, रित्तियो माधब नेपालको समाजवादी

काठमाडौँ | नेकपा समाजवादीका उपमहासचिव प्रकाश ज्वालाका स्वकीय सचिवसहित छत्रेश्वरी गाउँपालिकाका सवै नेता कार्यकर्ता एमालेमै...