News Portal

स्थानीय चुनाव अर्को वर्षको चैतसम्म गर्न सकिन्छ, तीनै तहको चुनावमा पाँच दल मिल्छौं : नेपाल

एनपर्दा संवाददाता
२३९ पटक

काठमाडौं ।

नेकपा एकीकृत समाजवादीका अध्यक्ष माधवकुमार नेपालले स्थानीय तहको निर्वाचन अर्को वर्षको चैत महिनासम्म गर्न सकिने संवैधानिक र कानूनी सुविधा सत्ता गठबन्धनलाई रहेको बताएका छन् ।

रामेछाप जिल्लाका विभिन्न पार्टीका युवालाई नेकपा एसमा प्रवेश गराउने कार्यक्रमलाई सम्बोधन गर्दै अध्यक्ष नेपालले २०७९ चैतसम्म स्थानीय तहको चुनाव गराउन सकिने भए पनि आउने मंसिरभित्र तीनै तहको चुनाव गराउने छलफल गठबन्धनमा भइरहेको बताए ।

नेपालले भने, ‘हामी पाँच दल मिलेरै चुनावमा जान्छौं । आउने असोज, कात्तिक मंसिर महिनामा केन्द्रको चुनाव, प्रदशको चुनाव र स्थानीय चुनावमा जानेछौं । यसमा छलफल चलिरहेको छ । अहिले देखि नै तयारी गर्नुपर्छ । पार्टी प्रवेश अभियान प्रशिक्षण अभियान चलाउनुपर्छ ।’

अध्यक्ष नेपालले २०७४ असोज ७ गते स्थानीय तहको अन्तिम मत परिणाम आएकोले त्यसैलाई आधार मानेर अर्को चैतसम्म चुनाव गर्नुपर्ने बताए । संविधानमा गाउँसभा र नगरसभाको चुनाव सम्पन्न भएको ५ वर्ष पुगेको ६ महिनाभित्र अर्को चुनाव गराउने व्यवस्था रहेकाले एमालेको वितण्डाको अर्थ नरहेको नेपालले बताए ।

यो पनि,राजावादी उम्मेदवारलाई प्रदेश १ मा ६६ मतभार बोनस, कसले दियो मत ?
राष्ट्रियसभाको बुधबार सम्पन्न निर्वाचनमा राजावादी दल राष्ट्रिय प्रजातन्त्र पार्टी (राप्रपा) का उम्मेदवारले ६६ मतभार बोनस पाएका छन् ।

राप्रपाका तर्फबाट राष्ट्रियसभा उम्मेदवार बनेका झापाका अम्मरबहादुर विष्टले पार्टी बाहिरका एक प्रदेशसभा सदस्य र एक स्थानीय तहका उम्मेदवारको भोट पाएका हुन् ।

राप्रपाका प्रदेशसभा सदस्य १ जना र स्थानीयतर्फका जनप्रतिनिधि ४ जना रहेका छन् ।जसमा राप्रपाका मतदाता तथा गौरीगन्ज गाउँपालिकाका अध्यक्ष बाबुराजा श्रेष्ठ मतदानमा सहभागी भएनन् ।

काठमाडौंमा छोरीको वैवाहिक समारोह भएपछि उनी मतदानमा सहभागी नभएका हुन् ।तर, विष्टलाई पार्टी बाहिरबाट एक प्रदेशसभा सदस्य र एक स्थानीय तहका जनप्रतिनिधिले भोट दिएपछि उनको मतभार धेरै आएको हो ।

उनले पाउनुपर्ने मतभार पार्टीका एक जना अनुपस्थित हुँदा ३ स्थानीय तहका जनप्रतिनिधि र एक प्रदेशसभा सदस्यगरी १०२ मतभार थियो । तर उनले १६८ मत भार पाए ।

अर्थात उनले पार्टी बाहिरबाट ६६ मतभार बढी पाए । राष्ट्रियसभा निर्वाचनमा प्रदेशसभा सदस्यको मतभार ४८ र स्थानीय तहका जनप्रतिनिधिको मतभार १८ कायम हुन्छ ।

विष्ट भने आफू पराजित हुँदाहुँदै पनि काँग्रेस कम्युनिस्टले माया गरेको प्रतिक्रिया दिन्छन् ।उनले भने, ‘कसले हाले थाहा भएन तर स्थानीय साथीहरुले माया गर्नुभयो होला नि !’, उनले भने, ‘मैले त के भन्नुपर्यो भने गौरादहका प्रदेश सांसद हिक्मत कार्की र उपमेयर गीता भेटवालले हाल्नु भयो ।’

राप्रपाले अन्य प्रदेशमा उम्मेदवार खडा नगरेपनि प्रदेश १ मा भने उम्मेदवार खडा गरेको थियो ।

यस्तै अन्य प्रदेशमा उम्मेदवार नभएकाले राप्रपाले मतदान प्रक्रियामा सहभागी नहुने निर्णय नै गरेको थियो । अम्मरबहादुर विष्ट झापाका चर्चित राप्रपा नेता हुन् ।

झापामा राप्रपाका चर्चित तीन नेताहरुमा राजेन्द्र लिङदेन, राम थापा र अम्मरबहादुर विष्ट तीनजनाको नाम आउँछ । लिङदेन अहिले पार्टीको केन्द्रीय अध्यक्ष छन् भने थापा प्रदेश १ का अध्यक्ष छन् । विष्टचाहिँ हालै केन्द्रीय कमिटीमा मनोनित भएका नेता हुन् ।

प्रतिकृया दिनुहोस्

फेरी एकैपटक २० वडामा एमालेको प्यानल नै विजयी, देशभर खुसियाली !

काठमाडौं। काठमाडौंको दक्षिणकाली नगरपालिका-१ मा नेकपा एमालेको प्यानल नै विजयी भएको छ । नेपाली कांग्रेसका...

फेरि भत्कियो एमालेकाे चर्चित गढ, माओवादीका रिमबहादुरको सानदार जित !

दाङ । दाङको राप्ती गाउँपालिका वडा नं. ९ को वडाध्यक्ष पदमा नेकपा माओवादी केन्द्रका रिमबहादुर...

चितवनबाट आएको यो एउटै खबरले पुरै गठबन्धन तनाबमा , एमाले नेता कार्यकर्तामा छायो खुसियालि !

काठमाडौं, । नेकपा एकीकृत समाजवादी को कम प्रभाव रहेको खैरहनी नगरपालिकामा जिल्ला सदस्यसहित ६ नम्बर...

भरतपुरमा भुइकटर र सुर्य सुस्ताए, रेनुको हसिया हथौडा जितको लागि दौडियो (हेर्नुहोस ताजा अपडेट)

काठमाडौं, । भरतपुर महानगरपालिकामा नेकपा (माओवादी केन्द्र) की उमेद्वार रेनु दाहालले मतान्तर फराकिलो बनाउँदै लागेको...

हामी माथी ठुलो षडयन्त्र भयो, जनताले राम्रो ठाउमा भोट हाल्न जानेनन् : बाबुराम भट्टराई

काठमाडौं । जनता समाजवादी पार्टी (जसपा), नेपालका संघीय परिषद् अध्यक्ष तथा पूर्वप्रधानमन्त्री डा। बाबुराम भट्टराईले...