News Portal

काठमाडौँ क्षेत्र नं ३ बाट स्वतन्त्र रुपमा चुनाव लड्दै कुलमान घिसिङ, जित्ने पक्का-पक्कि !

एनपर्दा संवाददाता
२५३ पटक

काठमाण्डौँ ।

नेपाल विद्युत् प्राधिकरणका प्रबन्ध निर्देशक कुलमान घिसिङले मंसिर ४ मा हुने चुनाव लड्ने आकाङ्क्षा देखाएका छन् । घिसिङ काठमाण्डौ क्षेत्र नं ३ बाट स्वतन्त्र रुपमा चुनाव लड्ने चर्चा चलेको छ । यसअघि माओवादी केन्द्रबाट चुनाव लड्ने चर्चा भएपनी पछिल्लो समय स्वतन्त्रबाटै लड्ने चर्चा सुरु भएको छ ।

स्थायी घर रामेछाप भएका घिसिङको नेपाल विद्युत् प्राधिकरणका प्रबन्ध निर्देशक भएर पहिलो कार्यकालमा चर्को लोडसेडिङको मारमा देश रहेको बेला लोडसेडिङलाई मुक्त गरेको भन्दै उहाँलाई उज्यालो नेपालका नायक भन्ने गरिन्छ ।

प्रतिनिधिसभाको पाँच बर्से कार्यकाल समाप्त भइसकेको छ । कतिपय सांसदका लागि संसद् छिर्ने यो अन्तिमपटक हो । नेकपा माओवादी केन्द्रका जनार्दन शर्मा, पम्फा भुसालको पनि रोस्टममा बोल्ने मौका सिद्धिएको अनुमान लगाउन थालिएको छ । पार्टीले टिकट दिए पनि जनताको मत पाउन यी नेताका लागि अत्यन्तै कठिनाइ छ ।

यता, राष्ट्रिय प्रजातन्त्र पार्टीका अध्यक्ष राजेन्द्र लिङदेनका लागि पनि संसद्को ढोका थुनिएको अड्कलबाजी गरिएको छ । पाँच वर्षमा लिङदेन १५ चोटि पनि संसद्मा उपस्थित भएनन् । तलबभत्ता खाने, सेवासुविधा लिने अनि एनजीओको झोले बनेर हिँड्नेलाई संसद्बाट सधैंका लागि बिदा गरिनेछ । यता, मधेसी दलका नेता राजेन्द्र महतोको पनि उही हाल छ ।

आउने चुनावमा उपेन्द्र यादवले राम्रो हार व्यहोर्ने निश्चित छ । उनको पनि संसद्मा उभिने दिन सकियो । नेपाल समाजवादी पार्टीका नेताहरु सबै प्रचण्डको पछिपछि हिँडिरहेका छन् । झलनाथ खनाल, माधवकुमार नेपाल, रामकुमारी झाँक्री, विरोध खतिवडा, मेटमणि चौधरी, जीवनराम श्रेष्ठले त राजनीतिबाट संन्यास लिए हुन्छ । यता, नेपाली कांग्रेसका गगन थापा, मीनबहादुर विश्वकर्मा र विश्वप्रकाश शर्माले पनि चुनाव हार्ने सम्भावना धेरै छ ।

काठमाडौं क्षेत्र १ बाट प्रकाशमान श्रेष्ठले हात धुनुपर्ने देखिन्छ । नेकपा एमालेबाट केपी शर्मा ओली, महेश बस्नेत, शंकर पोखरेल, योगेश भट्टराई र गोकुल बाँस्कोटाको पनि संसद्मा छिर्ने दिनको अन्त्य भएको बुझ्न सकिन्छ । बाबुराम भट्टराईले पनि गोरखाका जनताको विश्वास गुमाइसकेका छन् । वामदेव गौतम, नारायणकाजी श्रेष्ठले त सदनमा छिर्ने कल्पना त्यागिदिए हुन्छ ।

पाँच वर्षको अवधिमा यिनीहरुले के गरे, जनताले राम्रोसँग देखेका छन् । जसको मूल्यांकन आगामी चुनावमा जनताले गर्नेछन् । कुनै नेता जनताको कुरा उठाउँदै रोए, कुनैले सदनमा उभिएर हानाथाप मात्र गरे । माओवादीका नेता गजेन्द्र महत आफ्नो क्षेत्रको कुरै उठाउँदै सदनमै धुरुधुरु रोएका थिए । जुम्लाबाट चुनाव जितेर आएका उनले सरकारले आफ्नो क्षेत्रमा बजेट नहाले र विकास नभएको गुनासो गरेका हुन् ।

केपी ओली प्रधानमन्त्री र युवराज खतिवडा अर्थमन्त्री हुँदाको कुरा हो यो । आफ्नो क्षेत्रमा बजेट नदिएपछि विकास कसरी गर्ने ? र, जनताको सामु कसरी मुख देखाउने ? भन्दै उनको आँखाबाट बलिन्द्र आँसु झरेका थिए । संसद्मा उभिएर नेता रोएपछि ७७ जिल्लाका जनताको ध्यान खिच्यो । अरु क्षेत्रको जनताले त उनको वाहवाही गरे नै, जुम्लाका जनताले समेत गर्व गरे ।

सदनमा उभिएर यो कुरा भन्न सक्नु निकै ठूलो कुरा हो । नेता होस् त यस्तो भन्दै सबैले उनको तारिफ गरेका थिए । प्रचण्डले एउटै व्यक्तिलाई चारचोटिसम्म मन्त्री बनाए । एउटै व्यक्ति दोहो-याएर आइरहे । जनार्दन शर्मा चारचोटि र पम्फा भुसाल तीनचोटि मन्त्री बने । तर, गजेन्द्र महतजस्तो व्यक्तिलाई ठाँउ दिइएन् । गजेन्द्र महतले भन्दै आएको एउटै कुराः जनताले भोट दिए पनि पार्टीले टिकट दिँदैन ।

पार्टीलाई पैसा दिन सक्नेले त टिकट पाउने हुन् । उनीसँग त पैसा छैन होला । पार्टीले टिकट दियो भने उनको जीत निश्चित छ । हरेक पार्टी पैसामा बिकेको छ । जनताले नरुचाए पनि पैसा हुनेले मात्र टिकट पाउँछन् । जनताले मन पराउने र जनताको हितमा बोल्ने व्यक्तिले टिकट नै पाउँदैनन् । टिकट नभएपछि जनताको बीचमा जाने ठाउँ नै रहेन । शीर्ष दलका नेता केपी ओली, शेरबहादुर देउवा र प्रचण्डलगायत अन्य सबैजना पैसामा बिकेका छन् ।

टिकट बेचेकै पैसाबाट यिनीहरु चुनावमा जान्छन् । गगन थापाले यसअघि स्वास्थ्यमन्त्री हुँदा अर्बौंको सम्पत्ति जोडेको कुरा लुकाएर लुक्दैन । जनताको बिमा गराउने भन्दै अर्बौं रुपियाँ भ्रष्टाचार गरेका छन् । तर, उनले त्यसबाहेक अरु केही काम गरेनन् । इँटाभट्टाले प्रदूषण ग-यो भन्दै उपत्यकाबाहिर सार्ने निर्णय गरिएको थियो । यता, मदिराको लाइसेन्ससमेत लामो समयदेखि बन्द थियो । महेश बस्नेतले उद्योगमन्त्री हुदाँ इँटाभट्टा नसारेर र मदिराको लाइसेन्स खुलाएर अर्बौं रुपियाँ चलखेल गरेका छन् ।

गोकुल बाँस्कोटा त खुलेआम ७० करोडको भ्रष्टाचार आरोपमा मुछिएका व्यक्ति हुन् । सूचना तथा सञ्चारमन्त्री हुँदा सामान खरिद प्रकरणमा ७० करोड घूस मागेको अडियो बाहिर आएको थियो । ७७ वटा जिल्लाका जनताले तिरेको करमा केपी ओलीले रजगज गरे । आफू प्रधानमन्त्री भएको मौका छोपेर उनले सबै बजेट झापामा लगेर भ्युटावरमा खन्याए । पार्टीमा २० वर्ष लागेर जनताको काम गरेका व्यक्ति कहिल्यै सांसद बन्न पाएनन् । बरु, हिजोसम्म राप्रपाको झोले बनेर हिँडेकी कोमल वलीलाई मनोनीत सांसद् बनाइदिए ।

एउटा कर्मचारी स्तरबाट आएका युवराज खतिवडालाई अर्थमन्त्री बनाइयो । जनताबाट चुनिएर आएकालाई मन्त्री बनाइएन । आफ्ना पार्टीका सांसदलाई बालुवाटारमा बोलाएर अरुलाई कालो अरिँगालझैँ टोक्नु भन्ने पनि ओली नै हुन् । प्रधानमन्त्रीजस्तो पदमा बसेर यस्तो बोल्न नैतिकताले दिन्छ ? प्रधानमन्त्री भएर दिनभरि बाँसुरी बजाएर बस्ने । आफ्नो जन्मदिनमा देशको नक्सा भएको केक काट्ने पनि ओली नै हुन् ।

ओलीको सरकार आउनुअघि देउवाको सरकारले मेरुदण्ड भाँच्चिएका, मुटुरोग लागेका र अन्य दीर्घरोगीलाई मासिक पाँच हजार दिने निर्णय गरेका थिए । साथै, ६८ वर्षमा भत्ता दिने भनिएको थियो । कांग्रेस हिरो हुन्छ भनेर केपी ओलीले सबै निर्णय उल्टाइदिए । २०७४ सालको चुनावमा भोट माग्ने बेलामा ओलीले वृद्धभत्ता बढाइदिन्छु भनेका थिए । तर, उनी लामो समय प्रधानमन्त्री हुँदा पनि बूढाबूढी र अपांगको भत्ता बढाइएन ।

केही दिनअघि एउटा कार्यक्रममा उनले आफूसँग उपचार गर्ने पैसा नभएको दाबी गरेका थिए । तर, उनले आफ्नो र आफन्तको नाममा २२ अर्ब रकम राखेको चर्चा चलेको छ । २०७४ सालको चुनावमा एमाले पहिलो पार्टी बनेको थियो । जनताले उनलाई पाँच वर्षका देश चलाउन जिम्मेवार दिएका थिए । तर, उनले दुईपटक संसद् विघटन गरेको आजसम्म जनताले बिर्सिएका छैनन् । फेरि पनि ओलीकै नेतृत्वमा चुनावमा जाने र जनताले मत दिए भने ओलीलाई नै प्रधानमन्त्री बनाउने एमालेमा सहमति जुटेको छ ।

जनताले के आधारमा भोट दिने ? फेरि पनि उनलाई प्रधानमन्त्री बनाउनका लागि जनता त्यति मूर्ख छन् र ? नौ महिनासम्म संसद् अवरोध ग-यो । ओलीकै निर्देशनमा महेश बस्नेतले सांसद अपहरण गरे । संविधान बचाउनुपर्छ भन्दै सडकमा कार्यकर्ता उतारेर नौटंकी देखाउन ओली अघि बढेका छन् । आफू कुन पृष्ठभूमिबाट आएको हो, ओली र बस्नेतको शब्दबाटै स्पष्ट हुन्छ ।
अहिले काठमाडौंका मेयर बालेन्द्र शाहको काम देखेर सबैजना दंग छन् ।

काठमाडौंवासीलाई गर्व लागेको छ । बालेनको जति काम गर्ने हैसियत राजनीतिक दलमध्ये कसैको पनि देखिएन । काठमाडौंका जनताले अर्को चुनावमा बालेनलाई योभन्दा धेरै मत दिएर जिताउने छन् । काम नगर्ने उखानटुक्का मात्र भन्ने र जनता झुक्याउनेलाई जनताले सदाका लागि बिदा गर्नेछन् । प्रचण्ड कहिले यता लहसिने र कहिले उता टाँसिने गरिरहेका छन् । उनको दोहोरो राजनीतिको पनि अन्त्य हुँदै छ । उनलाई पनि चुनाव जित्न गाह्रो छ ।

प्रतिकृया दिनुहोस्

प्रचण्ड चितवनबाट भाग्दैछन्, यदि चुनाव लड्न आए भने ५ हजार मतले चुनाव हार्छन : देवी ज्ञवाली

काठमाडौँ । प्रमुख प्रतिपक्षी दल नेकपा एमालेका पोलिटव्यूरो सदस्य एवं चितवन जिल्ला इन्चार्ज देवी ज्ञवालीले...

खुसिको खबर: सन्दिपको बिषयलाई लिएर बालेन शाह भोलि अदालत जाँदै (सक्दो सेयर गर्नुहोस)

काठमाडौं । आज बिहान सन्दिप लामिछाने नेपाल आएका छन । उनलाई नेपाल एर्पोट बाट नै...

शेखर समुहले एमाले संग मिलेर चुनाव लड्ने गर्यो घोषणा, उम्मेदवार बन्न चाहनेको नाम संकलन गरिने…

काठमाडौं। पाँच दलीय सत्ता गठबन्धनमा सिट बाँडफाँट ठूूलो चुुनौती बनिरहेको खबर आइरहँदा नेपाली कांग्रेसको संस्थापन...

पृथ्वीनारायण शाहा पछिको अर्को शाहा बालेन्द्र शाह रैछ यस्तो नेता देशमा २,४ जना भए देशको मुहार फेरिने थियो ! (सहमत हुनेले सियर गरौं)

काठमाण्डौ । काठमाण्डौ महानगरपालिकाका मेयर बालेन्द्र शाह बालेनले अब कानुन मिच्न नदिने बताउनुभएको छ ।...

झापाका डन ओली: ५ होइन १० दल मिलेर आए पनि ओलीकै मत धेरै हुने (तथ्यांकसहित)

दमक (झापा) । स्थानीय निर्वाचन–२०७९ मा वडा अध्यक्षहरुको मत परिणामअनुसार झापाको प्रतिनिधिसभा निर्वाचन क्षेत्र नम्बर...