News Portal

मैले जिते नेपाललाई साउथ एशियाको टपमा पुर्‍याउँछु : सर्वेन्द्र खनाल

एनपर्दा संवाददाता
४७५ पटक

काठमाडौं।

पूर्व प्रहरी महानिरीक्षक (आईजिपी) सर्वेन्द्र खनाल आसन्न मंसिर ४ मा हुने प्रतिनिधिसभा निर्वाचन लड्ने तयारीमा छन् । केही दिनअघि नेकपा एमाले प्रवेश गरेका खनालले चुनाव लड्न मधेस प्रदेश रोज्ने संकेत गरेका छन् ।

उनी बाराको निर्वाचन क्षेत्र नम्बर ४ वा पर्साको निर्वाचन क्षेत्र नम्बर २ मध्य एक क्षेत्रमा उम्मेदवारी दिने तयारीमा छन् । करिव दुई दशकअघि प्रहरीको जिम्मेवारीमा हुँदा बारा र पर्सामा काम गरेका खनालले पूर्व–पश्चिम राजमार्ग, पथलैया–वीरञ्ज औधोगिक करिडोरसँगै जोडिएको उक्त क्षेत्रमा चुनाव लड्ने इच्छा देखाएको पाइन्छ । ‘बारा क्षेत्र नम्बर ४ मा मेरो चर्चा १ वर्षदेखि नै भएको हो । तर अब पार्टीले टिकट दिन के गर्छ हेरौँ,’ रातोपाटीसँगको कुराकानीमा खनालले भने ।

गठबन्धनले बारा क्षेत्र नं ४ मा पूर्व श्रममन्त्री तथा नेकपा एकीकृत समाजवादीका केन्द्रीय सदस्य किसान श्रेष्ठलाई उम्मेदवार बनाउने निर्णय गरेको छ भने एमालेको तर्फबाट देवनारायण चौधरीको एकल नाम सिफारिस भएको छ ।

चौधरीको एकल नाम सिफारिस भएपनि गठबन्धनका उम्मेदवार श्रेष्ठसँगको प्रतिष्पर्धामा चौधरी कमजोर उम्मेदवार भएकोले अन्तिम समयमा खनाल आउन सक्ने सम्भावना रहेको एमालेकै नेताहरु बताउछन् ।

‘यो ठाउँको विकासको खाका म सँग छ, यहाँका जनताले सर्वेन्द्रलाई चाहन्छन् भन्ने कहीँबाट माग आउनुपर्यो भन्ने मेरो ईच्छा हो,’ खनालले भने, ‘टिकट पाएर जिते भने यो देशलाई सबैले सिंगापुर बनाउछु भन्छन् तर मैले यो देशलाई चिनाउने खालको साउथ एशियाको टपमै पुर्‍याउँछु ।’

उम्मेदवारीको चर्चा चलेसँगै पहिलोपटक राजनीतिक कार्यक्रममा सहभागी हुन खनाल शुक्रबार बारा आएका थिए । पचरौतामा युवा संघको नगर अधिवेशन तथा दसैंको शुभकामना आदानप्रदान कार्यक्रममा खनाललाई प्रमुख अतिथि बनाइएको थियो ।

‘म यहाँबाट लड्छु भन्दा पनि टिकट दिने त पार्टीले हो । यहाँ हाम्रो जनाधार असाध्यै राम्रो छ भनेर म चर्चा बटुल्न चाहन्न, राम्रो छ भने यहाँका जनताले भन्नुपर्यो,’ उनले भने ।

पार्टीले बारा ४ र पर्सा २ बाहेक अन्य क्षेत्रमा जिम्मेवारी दिएपनि सो क्षेत्रमा चुनाव लड्न आफू तयार भएको उनले बताए । खनालले बारा र पर्सा बाहेक तनहुँ १ मा पनि आफ्नो चर्चा भएको बताए ।बारा ४ मा गठबन्धनका उम्मेदवार किसान श्रेष्ठसँग पारिवारिक रुपमा निकट रहेका खनालले श्रेष्ठसँग प्रतिष्पर्धा गर्ने आफ्नो विचार नभएको टिप्पणी गरे।

नेपाल प्रहरीमा रहँदा पटक पटक गरी करिब ५ वर्ष बारा, पर्सामा बिताएका खनालले अपराध नियन्त्रण, बालविवाह, दाइजो प्रथा लगायतका सामाजिक कुरितीविरुद्ध अभियान चलाएका थिए ।

प्रहरी सेवाबाट अवकाश भएपछि पनि उनी विवादमा फसे । ०७७ मा तत्कालीन समाजवादी पार्टीका सांसद डाक्टर सुरेन्द्र यादवलाई जनकपुरबाट अपहरण गरेर पार्टी फुटाउने प्रयोजनका लागि काठमाडौं ल्याउँदा एमाले नेता महेश बस्नेत, किसान श्रेष्ठसँगै खनालको पनि संलग्नता थियो ।

अवकाश भएपछि एमालेसँगको निकटता देखाएका उनी यही असोज ६ गते एमालेमा औपचारिक रुपमा जोडिएका थिए । पार्टीले मधेसबाट उम्मेदवार बनाए हिजो कर्मचारी भएर बुझेको मधेसका जनतालाई सम्मानजनक रुपमा बाँच्ने वातावरण बनाउने उनको धोको छ ।

‘यही क्षेत्र भनेर मैले भन्नुभन्दा पनि पार्टीले कहाँको जिम्मेवारी दिन्छ त्यो महत्वपूर्ण विषय हो,’ खनालले भने, ‘तर मधेसबाट उम्मेदवारी दिने अवसर पाए हिजो कर्मचारी भएर बुझेको मधेसका जनतालाई सम्मानजनक रुपमा बाँच्ने वातावरण बनाउने मेरो धोको छ । राताेपाटीबाट साभार गरीएकाे हाे ।।

प्रतिकृया दिनुहोस्

म चुनाव हार्दा इलामका केही नेता फोन गरेर रुनुभयो, उहाँहरु पीडामा हुनुहुन्छ : झलनाथ खनाल

काठमाडौं । नेकपा (एकीकृत समाजवादी) का सम्मानित नेता झलनाथ खनालले आफूले निर्वाचन हारेको भन्दै इलामका...

रविले निकाले यी टन्नै ठेकेदारको कालो सूची, अब कोइ उम्किन नसक्ने !

काठमाण्डाै । सार्वजनिक खरिद अनुगमन कार्यालयले विकास तथा पूर्वाधार निर्माणलाई अलपत्र पार्ने र समयमा निर्धारित...

बालेनको फेरी कडा एक्शन, कुन सुकुम्बासीको कति सम्पति निकाल्दै !

काठमाडौँ । बल्ल देखियो बालेनको पावर, सुकुम्बासी बस्तीमा भागाभाग, अस्ति नगरप्रहरीलाई हा`न्नेहरु प`क्राउ गर्दै..,(भिडियो हेर्नुस्)...

छोराको जितमा आमाको खुसी, धन्यबाद दिन गाउँ गाउमा पुगिन {शेयर गरेर साथ दिउँ}

काठमाडौं । पथरी, १३ मङ्सिर मोरङ क्षेत्र नं। ३ मा डा शुनिल शर्माको विजयी उत्सव...

हर्क साम्पाङ जस्तै रवी लामिछाने पनि खानेपानीको मुहानमा आफै गल र बेल्चा चलाउदै (भिडियो सहित)

काठमाडौँ । राजनीतिमा अस्वभाविक उदय गरेका पू्र्वसञ्चारकर्मी रवि लामिछानेले सस्तो लोकप्रियताको लयतिर लम्किएका छन्। स्वतन्त्र...