काठमाडौं ।
राष्ट्रिय स्वतन्त्र पार्टीका सभापति रवि लामिछानेले आफू सरकारमा गए भ्रष्टाचारको जरैबाट अन्त्य गर्ने बताए । त्यसका लागि जनताले स्वतन्त्र पार्टीलाई सहयोग गर्न आह्वान पनि उनले गरे । सुर्खेतमा भएको चुनावी सभालाई सम्बोधन गर्दै उनले राष्ट्रिय स्वतन्त्र पार्टी सरकारमा गए भ्रष्टाचारको जरैबाट अन्त्य गर्ने बाचा गरे ।
उनले गुणस्तरीय शिक्षा, स्वास्थ, र रोजगारीका लागि अब कोही पनि व्यक्ति विदेश जानु नपर्ने बताए । ‘आफ्ने बाचापत्रमा सबै प्रष्ट उल्लेख गरेको र सोही बमोजिम काम गर्न नसके फेरी फर्केर मत माग्न आउँदिन,’ उनले भने– ‘देशमा अनेकौं समस्या रहेको र यसको समाधानमा पुराना राजनीतिक दलहरुले चासो दिएनन्।’
साथै उनले आफ्नो पार्टी सरकारमा गए उपचार गरेर पैसा तिर्न नसक्ने नागरिकको सरकारले तिरिदिने बताए । यस्तै उनले नेपालमा उत्पादन भएका वस्तुहरूको ब्रान्ड एम्बेसडर बन्न तयार रहेको समेत बताए। ‘म बाचा गर्दछु, उत्पादन वृद्धि गर्न र नेपालको उत्पादनलाई प्रोत्साहन गर्न राजनीतिक जीवनभर नेपाली पोसाक मात्र लगाउँछु ।’
बालेनको वाहीवाहीमा पुजा शर्माको ‘नोट अफ डिसेन्ट’, ४९ सेकेण्डको भिडियो भयो भाइरल
केही दिन अघि काठमाडौं महानगरपालिका प्रमुख बालेन शाहले कार्यकालको १०० दिन पुगेको सन्दर्भमा स्पष्टिकरण दिए । सामान्यतयाः १०० दिन पुगेको अवसरमा आफ्ना उपलब्धीहरु सार्वजनिक हुने गरेको भएपनि बालेनले भने यसबीच भएका केही विवादहरुका विषयमा स्पष्टिकरण दिए ।
प्रमुख शाहले फूटपाथ, यमबुद्धको शालिक, विज्ञलााई १ करोड दिनेदेखि नर्भिक अस्पतालमा अवैध संरचना हटाउने विषयमा स्पष्टिकरण दिएका थिए । ‘हाम्रो १०० दिन कस्तो रह्यो भन्ने बारेमा हामी आफैले मूल्यांकन गर्ने भन्दा पनि आममानिसहरुले कसरी हेर्नु भयो भन्ने बढि अर्थपुर्ण हुन्छ,’ उनले भनेका थिए ।
उनले आफ्नो कार्यक्षेत्र, कर्तव्य र अधिकारले दिनेसम्म सचेत रहेर काम गरेको भन्दै त्यसले आममानिसहरुमा कस्तो सन्देश दियो भन्ने कुराले आफूहरुलाई फरक पार्ने बताएका थिए ।
‘मानिसहरुमा सकारात्मक उर्जा प्राप्त भयो, परिवर्तनको महसुस भयो भने मात्रै हाम्रो कामले नतिजा दिएको हुन्छ । अन्यथा, हामीले यतिका कामहरु गर्यौँ भनेर सूची बनाउँदैमा हामी सफल हुन सक्दैनौं । यसैले १०० दिन पुगिसकेको सन्दर्भमा हामीलाई मनमा छोएका केही सन्दर्भहरु सम्झिन जायज हुनेछ भन्ने लाग्छ,’ उनले उल्लेख गरेका थिए ।
यसैबीच, अहिले काठमाडौं महानगरपालिका मेयर बालेन्द्र साह उर्फ बालेनको नेतृत्वमा भइरहेका महानगरभित्रका विकास, निर्माण, सुशासन लगायतका गतिविधीको जनस्तरबाट खुलेर वाहीवाही भइरहेको छ । केही बाहेक हरेक तह र तप्काबाट बालेनलाई दह्रो साथ र समर्थन मिलिरहेको हो ।
तर चर्चित अभिनेत्री पुजा शर्माले बालेनको वाहीवाहीमा फरक मत राखेकी छन् । उनले बालेनको वाहीवाहीलाई अस्वभाविक भनेकी छन् । नायिका शर्माले एक चर्चित टेलिभिजन अन्तरवार्ताका क्रममा बोलेको ४९ सेकेण्डको भिडियो क्लीप सामाजिक सञ्जालमा अहिले भाइरल बनेको छ ।
उक्त भिडियो क्लीपलाई लिएर बालेन समर्थकहरुले कडा टिप्पणी समेत गरेका छन् । नेपालमा कति वटा जिल्ला र अञ्चल छन् भन्ने सिकेर आउन र त्यसपछि यस्तो अभिव्यक्ती दिन भनेर धेरैले पुजालाई सुझाएका छन् ।
मेयर बालेनले जे गर्नुपर्ने हो त्यो गरेका छन्, मेयरको काम फोहोर उठाउने फोहोर उठाउने हो तर वाहीवाही किन ? हामी कहाँ छौ भन्दै अभिनेत्री शर्माले प्रश्न उठाएकी छन् । नेताले मेयरले विकास गर्दा समेत सक्ड हुने अवस्थामा नेपालीहरु हुनु दुःखद कुरा भएको उनको भनाई छ ।
जिम्मेवारीभित्र रहेर गर्नुपर्ने चिजलाई पनि वाहीवाही दिइराका छौ भने हामी कुन चाहि ठाउँमा छौ, शर्मा अगाडी भन्छिन्, म कलाकार होनी अभिनय गर्ने मेरो कामै होनी, जस्तो ड्राइभरले गाडी चलायो भनेर वाहीवाहीको कुनै आवश्यकता हुदैन् किनकी गाडी चलाउने उसको कामै हो ।